عقدة الفيزياء

[الأقرع]

قررت انا ومجموعة من الزملاء في الكلية ان نطالب بان تكون مادة الفيزياء هي المادة الاولى التي نبدأ بها امتحاننا
وستتم مناقشة البرنامج في الكلية الاسبوع القادم
فعلى من يريد ان يؤيدنا حضور المناقشة لترسيخ هذا الطلب

وعندما تكون مادة الفيزياء هي الاولى فاننا نستطيع اعطائها الوقت الكافي

[THE SUN LIGHT]

لا مابدن بدنا المادة الاولى هي التقنيات وبس

[وسيم]

من اول مالله خلق الكلية التقنيات اول مادة لا الطلاب بيقبلوا ولاالدكتور شاش بيقبل بس هالايام كل شي ممكن

[نور أحمد]

ما أصعب من الفيزياء إلا التقنيات و بالعكس ....

مو فارقة معي لأنه رح ندرسهم تنيناتهن...

و الله يستر من حملهم؟؟!!!!

[الأقرع]

والله يا زملاء القصة بتحير
طلاب الادبي يجدون صعوبة فائقة في مادة الفيزياء على عكس طلاب العلمي
وكل شخص حر في مناقشة البرنامج (نتمنى ان يناقشونا بارادتنا)
وشكرا لكم على ردودكم الصريحة

[Feras]

أنا بعرف إنو مادة التقنيات مشتركة بين قسم المناهج وقسم معلم صف ، لذلك هالمادة بتنزل مثبتة وما حدا بيحسن يغيرها .
لذلك نصيحتي إلكن لا تحاولوا ما رح تطلعوا بنتيجة ، وبعدين ليش الفيزياء بالأول هيك بينظلموا طلاب العلمي وأنا ما بظن إنو حدا عنده التقنيات سهلة لا العلمي ولا الأدبي وهذه أول مرة بشوف هيك طلب ، ويبدو إنو صاحب هالطلب طالب أدبي وحاذف التقنيات وعم يحكي لمصلحته الشخصية لأنو ما بظن حدا يوافق من زملائه ( طبعاً هاد رأيي الشخصي بتمنى تحترموه ) وبالنهاية إنتو أحرار ساووا اللي بدكن إياه أنا ما دخلني بكل القصة لأني متخرج ومخلص ، بس أنا عم أحكي عن خبرة وبعرف كل طالب كيف بفكر وبيحكي لمصلحته الشخصية وما بيهمه مصالح زملائه .
ولكن في النهاية بحب أقول وحسب نياتكم ترزقون .

[الأقرع]

انا بالفعل طالب أدبي
ولا أنكر ان التقنيات اصعب مادة في هذه السنة
ولكن ان نرسب في مادة افضل من ان نرسب بمادتين
طبعا الرسوب في التقنيات مضمون بنسبة كبيرة
وهذا ليس رايي فقط بل راي معظم زملائي في الكلية
(طبعا الادبي)
:think ing1:

[أحمد الحسين(أبو ناظم)]

اننا سنطالب جميعا بان تكون الفيزياء هي المادة الاولى
مو تكرم عيونك يا أبو فؤاد

[الأقرع]

ما عاد الامر يهم يا صديقي الغالي (أبو ناظم )
لانه كل ما نزلنا موضوع عالمنتدى
بينرد علينا بسيل من الانتقادات

[Zaher]

قررت انا ومجموعة من الزملاء في الكلية ان نطالب بان تكون مادة الفيزياء هي المادة الاولى التي نبدأ بها امتحاننا

مين هنن الزملاء ؟؟؟؟؟؟

وستتم مناقشة البرنامج في الكلية الاسبوع القادم
فعلى من يريد ان يؤيدنا حضور المناقشة لترسيخ هذا الطلب

لن يتم ترسيخ هذا الطلب ، ولن يؤيدك أحد إلا اللي حاذف مادة التقنيات .

وعندما تكون مادة الفيزياء هي الاولى فاننا نستطيع اعطائها الوقت الكافي

وعندما تكون التقنيات هي الأولى فإننا نستطيع إعطائها الوقت الكافي .