بدي مساعدة ضروري

[batool-b88]

انا سنة تالتة مناهج
وعندي مادة التقنيات متل ما بتعرفوا
وقلنا الاستاذ شاش انو بدو يجبلنا سؤال
نحن نجاوب عليه من عنا
وعليه 10 علامات
وبدي مساعدتكم الله يخليكم
السؤال يقول:
لماذا نشأت صعوبات من اعتبار التقنيات جهاز او برنامج؟
انا بانتظار ردكم بس المهم يكون الرد قبل موعد الامتحان
وشكرا كتير

[Zaher]

لماذا نشأت صعوبات من اعتبار التقنيات جهاز او برنامج؟

السؤال مو واضح كتير ، بس ليش نحنا ما قللنا على هيك سؤال ، على كل حال جاري البحث عن الإجابة ، بس يا ريتك كاتبي السؤال من امبارح لأني اليوم كنت بالكلية وشفت أستاذ العملي ، كنت سألته عليه .

[batool-b88]

اول الشي كيفك
تاني الشي متل ما بتعرف هو كل سنة الدكتور شاش
بجيب سؤال يكون جوابه من خلال دراستك للمادة
وما بعرف شلون غلط وقلنا انو هدا السؤال رح يجيبو
عم يمزح كان عم يحكي جد ما حدى بيعرف شو عم يخطط ويرسم
تاني الشي كنت عم ادرس المحاضرة والا بالغلط شفت
مكتوب ملاحظة هامة انو هدا السؤال قال عليه
وانا فورا انعبطت وفتت بالحيط
لذلك الله يخيلك اذا لقيتلي شي جواب بكون كتر خيرك
واذا ما لقيت شكرا ل اهتمامك

[Zaher]

وما بعرف شلون غلط وقلنا انو هدا السؤال رح يجيبو

إذا ما أكد معناها ما بيجيبو ، بس عجيبة ما ذكر عنا هيك سؤال ، رغم إني حضرت كل محاضرته .

تاني الشي كنت عم ادرس المحاضرة والا بالغلط شفت
مكتوب ملاحظة هامة انو هدا السؤال قال عليه

بأي محاضرة ؟ لأني أنا كمان بكل محاضرة كاتب ملاحظات .

وانا فورا انعبطت وفتت بالحيط

وأنا هلق انعبطت وفتت بالحيط .

لذلك الله يخيلك اذا لقيتلي شي جواب بكون كتر خيرك

كلنا بالهوى سوى لأنو أسئلتنا موحدة معكن ، يعني أكيد رح أحاول إني أصل لنتيجة ، بس السؤال مو واضح زيادة ، إنتي متأكدة إنو هيك السؤال .
علكل الله يمضي هالمادة على خير .

[Zaher]

اتصلت بعدد من الزملاء ووعدوني إنو يبحثوا معي عن حل لهالسؤال ، بقى إتاملي خير أنسة batool .

[حمزة العثمان]

باعتقادي الجواب في الصفحة <150>.
- {تقنيات التعليم والتعلم كنظام شامل}
ازا حدا وجد إجابة أفضل يا ريت ما يبخل علينا.

[حسين الدروبي]

هلق هاد هو السؤال؟؟؟؟؟؟......بس بظن الجواب موجود بالبحث الأول لما ذكر أنو للتقنيات معنيين او ربما يكون الجواب( لم تنشأ أي صعوبات من هذا الاعتبار)

[Zaher]

شكراً لكم يا زملائي يا حمزة و snoop1 ما خيبتوا ظني فيكم
وبظن الجواب كما ذكر أخي حمزة صفحة 150 ، بس يا أنسة batool صيغة السؤال كالتالي :
علل لقد نشأت مشكلات عدة عن اقتصار تقنيات التربية على الأجهزة والآلات .
أو لماذا نشأت مشكلات عند اقتصار تقنيات التربية على الأجهزة والآلات .

فيكون الجواب كالتالي :
ج) لأن التعليم لا يمكن أن يقتصر على طريقة واحدة .

إن شاء الله يكون وصلك الجواب ، وإنتي إتأكدي مو كاتبة السؤال في البحث الخامس .

[batool-b88]

الله يعطيكم العافية يا شباب
بصراحة اي هدا السؤال بالفصل الخامس
وشكرا كتير على اهتمامكم واجوبتكم

[علاء]

مشكورين كتير شباب وان شاء الله أكون حفظتو

بس عندي طلب وخجلان شوي


مممممـ .... ممكن حدا يحدد المطلوب والمحزوف