شكراً دكتورة سعدة ساري

[zeado]

باسمي وباسم جميع الزملاء الطلاب نتقدم بالشكر للدكتورة سعدة ساري
الوكيل العلمي في كلية التربية في جامعة تشرين على تقديرها لوضع
الطلاب المحزن بعد القرار الظالم الذي اتخذه د .هاني شعبان عميد كليتنا
والذي قرر إلغاء الأتمتة لهذا العام دون معرفة الأسباب .
فبعد أن كانت مادة المناهج التربوية أتمتة في الأعوام الماضية واضطررنا
لتقديمها اليوم بدون أتمتة فقد كانت الأسئلة منطقية وسهلة إلى حد ما .
كانت الأسئلة اختيار من متعدد وتصحيح الخطأ وفراغات و.... وذلك
بمقدار 70 علامة من 100 وثلاث أسئلة شرح ب 30 علامة .

وقد كانت حالة الطلاب بين الخوف والحزن والقلق قبل المادة أما بعد المادة
فكانت وجوه الطلاب تشير إلى عكس ذلك .

مرة أخرى نشكر الدكتورة سعدة ساري ونتمنى أن تكون أسئلة أصول التدريس
بنفس الطريقة .
وطبعاً هذا الكلام ليس رأيي الشخصي فقط بل رأي معظم الطلاب وبالنسبة
لي ممكن ماتنجح المادة بس الأمر الجيد تقدير الدكاترة لأوضاع الطلاب بعد قرار
إلغاء الأتمتة الذي صدر فبل الأمتحان بأسبوع .

[snow-girl]

ليه الدكتور هاني شعبان هوي يلي لغى الاتمتة على حد علمي مو هوي

[zeado]

أنا بعرف أنو الدكتور هاني شعبان
ضد فكرة الأتمتة ولما اعترضوا الدكاترة
على القرار طلب من كل دكتور يقدم
أكتر من ألف سؤال لكل مادة حتى
يقبل تكون أتمتة
وهادا كان بمثابة التعجيز فاضطر
الجميع للقبول بإلغاء الأتمتة
‏(‏(طبعا هادا الكلام سمعته شخصيا من أحد أعضاء الهيئة الادارية ))

[snow-girl]

وانا سمعت هيك شي بس يلي ما سمعتو انو من هاني شعبان
ع كل الاحوال الله يكون بعون الجميع
بس زيادو انا بدي اسالك انت معلم صف سنة تالتة
كيف عم تدروس طرائق التدريس مو حاسها صعبة والله انا بتذكر السنة ما ضية كانت اتمتة
وشفنا فيها نجوم الضهر

[zeado]

والله مو بس الطرائق بتموت كمان
المناهج وحتى تكمل أنا معي المدنية
من السنة التانية كانت أتمتة ورسبت معي
كيف بدي قدمها هالفصل بدون أتمتة مابعرف
على كل حال الله يكون مع الجميع

[دودو]

السلام عليكم
بالنسبة لشكركم للدكتورة سعدة ساري انا باكد هاد الشكر بس اسلوب اسئلة دكتورة المادة هيك من قبل سنين ما بس هالسنة طبعا اذا قصدكم عمناهج السنة الربعة الدكتورة ريم سليمون
وحتى الاعلام هو كان بدوا اتمتة ولما التغى القرار قال رح حط اسئلة موضوعية وما حكى انوا الدكتورة سعدة ساري طلبت هيك
على كل شكرا للجميع ولكل الدكاترة بجامعة تشرين وحلب كمان

[zeado]

أهلا وسهلا دودو وشكرا لمرورك
وبالنسبة لمادة المناهج التربوية س3 أنا بعرف أنها كانت أتمتة وقبل هيك مابعرف كيف كانت
وعن مواد السنة الرابعة كمان ماعندي معلومات بس اللي بعرفه
أنو عميد الكلية كان سبب إلغاء الأتمتة وكان شرط تقديم ألف
سؤال لكل مادة صعب على أغلب الدكاترة ومع هيك في دكاترة
طبقت الأتمتة متل مادة علم وظائف أعضاء س1 معلم صف
وعلى كل حال مرت الامتحانات بخير وبالتوفيق للجميع

[snow-girl]

اي مرت بس بعد طلوع الروح
شو هالبهدلة هي

[zeado]

أنا عندي لسه مامرت لأن كل موادي عالحد وبكليتنا بتطلع روحنا قبل ماتنزل كل المواد
والله يجيب العواقت سليمة

[قطرة الندى]

والله انا بالنسبة الي حملت المناهج ع 48ورح طق يعني كيف رح انجح هالفصل مابعرف
ومواد سعدة ساري بشكل عام كلها تتطلب الدقة والبصم