وسيم
05-13-2007, 01:40 PM
يعني أنا بهالاستفتاء بس حابب شوف اذا كان في فائدة من حلقات البحث أو فقط حلقات البحث للاعادة والتكرير
|
مشاهدة النسخة كاملة : استفتاء حول حلقات البحث
وسيم
05-13-2007, 01:40 PM
يعني أنا بهالاستفتاء بس حابب شوف اذا كان في فائدة من حلقات البحث أو فقط حلقات البحث للاعادة والتكرير
رحمة
05-13-2007, 03:03 PM
والله يا اخي اللي بيقولوا مافي فائدة من حلقات البحث هيدول اللي ما بيشتغلوا
اما اللي متل حكايتي فبمووووووووووت وما بتخلص الحلقة معي اصلا لحد هلء لساااااااا عندي مادة اجتماع تربوي هالاسبوع لقدمها لانو ما خلصت من قبل اما اللي بيجيبوهاااااااااا سرقة برايي هنن الخسرانين
جودي
05-13-2007, 10:53 PM
من السنة الاولى كنا نروح ونجي ونقضيها مشاوير بين المكتبة الوطنية والمكتبة المركزية .. طبعا هاد ولا شي قدام المعاملة الرائعة والجيدة جدا جدا جدا من قبل الموظفين الي كلن حيوية ونشاط وتفاؤل ومحبة للطلاب طبعا ..
الي كنا اذا استعرنا كتاب وماطلع فيو شي نرجعلن ياه ناكل خمسميت الف كلمة حلوة وكم زورة .. بالاخير شو تطلع علامة الي جايب الجاهزة اعلى من علاماتنا .. بس لهلق مع ذلك صرنا سنة تالتة ولا مرة خطرلنا نجيب شي جاهز .. ليش الكذب نسأل على شي جاهز بس مانقتنع فيه ابدا .. انا حاليا حلقاتي يا من النت .. او من المكتبة المركزية لانو طلعت معاملتهن احسن بكتير من المكتبة الوطنية بس المشكلة انو ماكل شي ممكن يتوفر .. هي المعاناه الدائمة لحلقات البحث .. بس كمان جد انا عم استفيد من الحلقات .. يعني انو عم بكون في مثلا فقرة كاملة بالحلقة عن موضوع معين لما بجي بدرس الكتاب النظري بلاقيها نفسا تقريبا ايه مابتاخد معي وقت كتير لأدرسها يعني عم ستفيد :) والحمدلله قدمت 4حلقات وفحصين عملي والحمدلله كلو تمام .. :) ماتواخذني وسيم طولت بالرد بس مع ذلك لسة ماانفش قهري من الحلقات
وسيم
05-14-2007, 12:55 AM
Almas
جودي شكراً لمشاركتكم
رحمة
05-14-2007, 04:44 PM
جودي مزبوط الموظفين مافي متلهم بس والله انا بطلت شغلة المكتبات ( سواء
مكتبة الكلية او المركزية ) يا باخد من النت او كتب من رفقاتي هيدول اللي عندهم اطلاع وخاصة في مجلة المعرفة تحفة او من المكتبات الخاصة هيدول بيعاملوكي بكل احترام وشو بدنا مافي متل شغل الايد قال جاهز قال ..............
ocean
05-15-2007, 08:31 PM
انا برايي ليه حتى اعذب حالي بحط راسي بين هالروس وبقول ياقطاع الروس ليه حتى اروح ادور واذا دورت او مادورت نفس العلامة ويمكن اخد اقل اذا دورت
مايا
05-16-2007, 09:34 AM
ياجماعة هنن حطوا حلقات البحث حتى نسرق الحلقة سرقة لأني كل أستاذ بيعقد وبيتفلسف علينا يعني طبعاً بالسنة الأولى كنت أروح المكتبة بس إذا قريتوا كلام جودي بتعرفوا ليش صرنا نسرق
هلق أنا دورت على حلقات جاهزة مالقيت غير وحدة والباقي من النت
جودي
05-16-2007, 11:12 AM
مابعرف والله معكن حق الكل جرب المكتبات وتعاملهن وحرم يروح لعندن .. والله معكن حق .. بس مابعرف الجاهز ماعم بقتنع فيه ..
على كل حال صايرة انا احتفظ بكل الحلقات الي عم قدمها لانو عم استفيد منا لغير مواد almas, ايمان بس المعيدين مابجيبو سيرة النت تقولوا مافي هيك اختراع .. مع انو بكل سهولة الواحد عم يلاقي عدت مواضيع انا بحب اجيب من النت بس التوثيق شلون بعتملوا فيه انتو ..؟؟
وسيم
05-16-2007, 02:00 PM
انا مابدي اقول كيف بجيب حلقات البحث لانو باكلها بعدين
بس اذا وثقت من الانترنت بحط الرابط مثل ماهو
رحمة
05-16-2007, 08:18 PM
لا جودي بالعكس
انا بقلهم انو بعتمد ع النت في منهم ما بيرضوا لازم جبلهم شي كتااااااااااب ما بيرضوا كلوا من النت ولو كااان الكتاب من عاد الف وخشبة معلش المهم كتاب وفي منهم بيقولوا بدهم مواقع وزارات او مواقع مهمة وفي منهم بيرضوا بشو ما كان اما عن التوثيق فانا بحط الرابط واسم الكاتب وتاريخ سحب المقال وخلصنا و ع فكرة في المجلات الالكترونية كتير بتفيد اما وسيم ( اعترف كيف بتجيبها ؟؟؟؟؟؟؟؟ ) ocean و ايمان والله شغل الايد غير شكل ومهما عقدوهااااا المعيدين والله منقدر عليهم
مرمر
05-16-2007, 08:25 PM
مو صعب نكتب الحلقات وندور علمراجع الصعب أنو كل معيد أوكل دكتور بتفنن من عقلوا شي وهاد عم يدوخنا فمنلجأ بعض الأحيان مو دائما لاستعارت الحلقات من زملائنا
رحمة
05-16-2007, 08:34 PM
مو صعب نكتب الحلقات وندور علمراجع الصعب أنو كل معيد أوكل دكتور بتفنن من عقلوا شي وهاد عم يدوخنا فمنلجأ بعض الأحيان مو دائما لاستعارت الحلقات من زملائنا
قلتيلي استعارااااات يييييي ع الطلاب منلاقي الف عذر وعذر
وسيم
05-16-2007, 10:06 PM
بلا مانحكي يعني مبينة
Anas
03-26-2008, 02:09 PM
للتنشيط ...
كملولنا اراءكم
علاء
03-26-2008, 02:51 PM
انا اذا قبلي المخطط بعمل بحث عن جد واذا رفضو بجبلو جاهز
Anas
10-20-2008, 10:24 PM
للمتابعة
.....
عبد العزيز الجفان
10-21-2008, 01:33 PM
المنطق والواقع يقول اكتر من حلقة الواحد لايستطع عملها
بشكل جيد ومنهجي والباقي كله على عينك يا تاجر
hibahh
10-21-2008, 04:05 PM
شخصيا بالسنة الأولى كتبت حلقاتي بمصداقية كاملة من حيث المراجع واستعرت من المكتبة الوطنية والمركز الثقافي بس وقت العلامات اكتشفت انه تعبي راح عالأرض وبجامعتنا تعب الطالب ما بيتقدر
ومن وقتها اتبعت استراتيجية اخرى وهي: ان اكتب الحلقة من النت والتوثيق بطلع على مكتبة جامعتنا بدون ما استعير فقط باخد اسماء كتب ومؤلفين وبألصقهن بالحلقة وبخترع من عندي ارقام صفحات وانا صرت سنة رابعة ولحد الأن متبعة نفس الاستراتيجية بس أكيد لو كان في حدا بيقدر تعبنا والله لحتى اشتغل ليل نهار بس خلوها على الله
knightofLight
10-21-2008, 09:38 PM
بصراحة انا بفتح النت وبدور على شي موضوع جديد وبحطو عنوان لحلقة البحث
وأكيد رح أخد علامة عالية لأنو ما في عنا معيد او أستاذ عدى عليه هل الموضوع من قبل وغالباً هو ما بيسألني سي لأنو ما بكون إلو علاقة بالموضوع نهائياً وفي نقطة تانية إنو الغباء التكنلوجي مستفحل عنا بالكلية وخصوصاً بين الأساتذة و المعيدين مع إحترامي لقلة منهم ولا يعلمو ان الكتاب الإلكتروني والمجلات الإلكترونية صارت محل الكتاب التقليدي ومعتبرين النت متل الحلاقات الجاهزة وإنو الطالب ما بيتعب بكتابة الحلقة حتى مرة سمعت معيدة عبتقول لطلابها "حطو السؤال يلي بدكون ياه بموقع جوجل ومباشرة الموقع بجاوبكون" محسبين الشغلة شربة مي بعدون الموضوع سهل كتير بكون علامة عالية مالكون غير تجيبو حلقة بحث شو ما كانت تكون ودخول على المعيد و المعيدة بكل ثقة و من دون تردد وحاول إنت تبلش بالحكي قبل ما يسألك هو وخليك متمسك بوجة نظرك طالما هي صحيحة وهيك بتاخد علامة عالية حتى لو كانت الحلقة جاهزة بس أهم شي الكاريزما و الثقة بالنفس جربتها مرة وحدة ومشي الحال واخدت أعلى علامة بالقسم بس بصراحة حسيت بتأنيب الضمير وما عدتها مرة تانية وزعلت كتير على رفقاتي التعبانين طول الفصل بالحلقة وأخدو 13-14 بس لأنو تأتأو وترددو شو خلال المقابلة بصراحة واقع حلقات البحث عنا سيئ جداً بحس إنو محطوطين أساساً بسبب شكلي الله يخلصنا بقا على خير وسلامة
snow_ white
10-22-2008, 06:10 PM
والله هيك كلية وهيك مكتبة متل يلي عنا بتحرمك تكتب حلقة بحث بشكل علمي ومن مراجع حقيقية
ومتل ماقال زميلي knightoflight شو ماكتبت مو سألانين المهم الكاريزما وعدم التردد ودائما باخد علامات عالية لهادا السبب وماشية الشغلة عال العال تمرمرنا كتير اول سنة لحتى نجبلن حلقات بحث جيدة وعلمية بس مابين فيهن والعلامات كانت بتهوي ومن هداك الوقت تربينا منيح وفهمنا استراتيجية البقاء والاستمرار حيا في هذه الكلية بالنهاية هنن هيك بدن وهنن يلي عم يدفعونا لهيك شي بعدم مصداقيتهم العلمية بالتعامل مع الحلقات المميزة او حتى الاطلاع عليها وحاجة هيك حكي لانو خايفة تشط معي خلي الطابق مستور .........
knightofLight
10-23-2008, 09:18 AM
عذراً على الأخطاء الإملائية بس الكيبورد عندي جديد ولسع مو متعود عليه
يا جماعة فعلاً واقع مأساوي طيب سؤال كيف خريج كلية الأداب إختصاص أدب عربي بصير مشرف حلقات بحث ولأ وبيستلم قسم الإرشاد كمان (خيو فهمنا عندو ثقافة عالية جدا جدا بس منشان ما حدى أجنبي يجي على جامعتنا ويتضحك علينا مو أكتر ) وهو مو الشخص الوحيد في متلو متايل .... عوجة
عبد العزيز الجفان
10-23-2008, 09:38 AM
فراس شو قصة الادب العربي معك دكتور علمي عم يدرس تاريخ واخيرا لاتعطي على جماعة العربي
knightofLight
10-23-2008, 09:49 AM
خيو على راسي جماعة الأدب العربي كلون
بس المشكلة إنو الدكتور العلمي درس أربع سنين تاريخ وعمل ما جستير ودكتوراه تاريخ بعدها بس مشرفي حلقات البحث عنا ....... لا تخليني كمل ما بعرف شو بصير ما ضل غير سنة وبدي أخلص على خير
soso11
10-24-2008, 12:00 PM
بصراحة انا ضد فكرة حلقات البحث الجاهزة
بس احيانا الواحد بيطر انو يجيب حلقات جاهزة من كتر ما برفضو الاستاذة مخططات وكل معيد بغني على ليلو هلق طالعينا بشغلة جديدة بدون تصوير المراجع بس مع هيك عم نجيب الحلقة من النت ومنصور مراجع بتعلق بنفس الموضوع على فكرة تطلع على مكتبة الكلية لاستعير كتاب كل الكتب يلي بدي اياها معارة ويلي بيشتغلو بالمكتية كتيير بيحترموك بتحس حالك كل شي الا طالب جامعي |
|