كنافة بالقشطة والموز

[كليوباترة]

المقادير:
1 كيلو كنافة + 2 حبة موز + 1 كأس كبير زيت + 2 علبة قشطة + 1 ملقعة فستق مفروم ناعم + 1 كأس شيرة ( قطر ) .
الطريقة :
1- يوضع الزيت في القدر .
2- تفك الكنافة عن بعض\ها .
3- توضع الكنافة على الزيت وتقلب على نار هادئة حتى يصبح لونها ذهبياً ثم توضع في مصفاة لتصفي الزيت لمدة ساعة تقريباً .
4- بعد ذلك يرش عليها مقدار كأس من الشيرة وتقلب وتترك في المصفاة لتصفي من الشيرة لمدة ساعة .
5- تقسم الكنافة إلى قسمين متساويين .
6- يوضع القسم الاول في صحن التقديم ويفرد باليد ، يوضع على الكنافة القشطة وتفرد جيداً بالملعقة ، قطعي الموز إلى حلقات ورصيها فوق القشطة .
7- يضاف بعد ذلك القسم الثاني من الكنافة ولكن دون فرد بل بشكل هرمي .
8- تزين بعد ذلك بالفستق المفروم وتقدم

[حمزة العثمان]

الله يعطيكي العافية .
الكنافة من الحلويات المفضلة و اللذيذة عندي ، بس طريقتي بالكنافة بتختلف شوي ، أنا بحب آكلها بس بالقشطة أو اللبى مع وضع _ فليل من _ الفستق الحلبي بالحبة الكاملة ضمن هالطبقة ، و رش شوية فستق على الوجه .
و يالله ما أطيبها و القطر عم يشر منها متل الحنفية المفتوحة .

... الوسط ...

[Zaher]

أخي حمزه مو مشكلة نحنا مندوق كنافة كليوباترة ومندوق كنافتك وبعدين منحكم مين أطيب .
اللي بساويها بالأول يخبرني . . . . .
مشكورة كليوباترة عالموضوع .

[حمزة العثمان]

المشاركة الأصلية كتبت بواسطة Zaher

أخي حمزه مو مشكلة نحنا مندوق كنافة كليوباترة ومندوق كنافتك وبعدين منحكم مين أطيب .
اللي بساويها بالأول يخبرني . . . . .

ماشي ، بكرة عم انتظرك ، استعجل و تعال قبل ما باترة تدخل و تشوف العزيمة .

... الوسط ...

[حمزة العثمان]

و بما أنو المتنبي داخل و عم يشوف الموضوع متخفي _ من تحت لتحت _ و عم يقول يارب حدا يعزمني كمان منقلو تفضل بكرة كول كنافة و بطل تدخل متخفي لأني عم أعرف كل موضوع عم تشاهدو ، و ما رح قلك كيف .

... الوسط ...

[Zaher]

المشاركة الأصلية كتبت بواسطة حمزه العثمان

ماشي ، بكرة عم انتظرك ، استعجل و تعال قبل ما باترة تدخل و تشوف العزيمة .

والله كلك ذوق يا أخي حمزه ، خلص إنت عزيمتك بالأول حتى لو دخلت باترة وبيجوز هيي ما تقبل تساويلنا الكنافة ، فقط بتنزل مواضيع وإنتو ساووها يا أعضاء على مبدأ ( شم ولا تذوق ) ، يعني لو بعرفها بدها تنجح معي كنت ساويتها وما عذبتكن ، بس بخاف ما تنجح فقلت كل واحد بيدوقنا كنافته .

[Zaher]

المشاركة الأصلية كتبت بواسطة حمزه العثمان

و بما أنو المتنبي داخل و عم يشوف الموضوع متخفي _ من تحت لتحت _ و عم يقول يارب حدا يعزمني كمان منقلو تفضل بكرة كول كنافة و بطل تدخل متخفي لأني عم أعرف كل موضوع عم تشاهدو ، و ما رح قلك كيف .

لا تظلمه أخي حمزه ، لو شاف الموضوع كان شارك فيو ، هاد ضيف على هيئة المتنبي .

[وسيم لطفي العلي]

والله من المقادير

باين شي طيب كتير ولذيذ

بس الكنافة حمصية ولا كنافة عادية

لانو الحمصية اول ماتشم ريحة نار و زيت بتصير حمرة

والعادية بتضل بيضا وازا تعرضت للنار والزيت بتصير شوية شقرا


الف صحة شباب

[Zaher]

المشاركة الأصلية كتبت بواسطة abo alfedaa

بس الكنافة حمصية ولا كنافة عادية

لانو الحمصية اول ماتشم ريحة نار و زيت بتصير حمرة

والعادية بتضل بيضا وازا تعرضت للنار والزيت بتصير شوية شقرا

لك لا شو حمصية . . . . .

[كليوباترة]

أهلا وسهلا بكل الأعضاء الطيبين
خلص الكنافة صارت جاهزة وماضل غير تعطوني رأيكم فيها
يعني متل ماقال زاهر المبدأ (شم ولا تذوق)