لمحة مملة ........عن مواد السنة الخامسة قسم تقنيات التعليم

[abo alfedaa]

ا
مبروك لشباب وصبايا المناهج الترفع للخامسة

وبخص التحية لطلاب التقنيات الاعزاء
وبقللكون شدولي الهمة وحافظو على تفوقكم على طلاب الادارة
عم امزح بس انتو غاليين ياتقنيين
كما انو الادارة اخوتنا وحبايبنا ....اكلنا وشربنا مع بعض كمان 3 سنين
ولو (إدارة)

أكيد هلأ في براس كل واحد منكون الف سؤال والفين تساؤل عن المواد

اتطمنو مافي شي بيخوف او صعب

شباب احلى مافي التقنيات ودراستها الجو التعاوني اللي كان يسود القسم
بما يتعلق بحلقات البحث
اضافة الى المدرسين والدكاترة اللي كانو يدرسونا وروعة تعاملون .
هلق رح احكي عن المواد

الفصل الاول :

القياس والتقويـــــــــــم :مادة سهلة جدا والها امتحان عملي يعني متل الاحصاء في السنة الاولى والثانية
الصحــة النفســـيــــــة :للدكتور خالد ضعيف حلوة وسلسلة كتير ما الها عملي علامتها من 100 وفي كتير اخدو فيها 100 من 100 !!!!

تصميم المناهج وبناؤها :مادة جافة مارح تفهموا منها شي (الحل بالبصم الصم للمادة)

مشـــــــــروع التخرج :نــــــــــــــــــــــو كومينّت

(((ضافة للتربية العملية في كلا الفصلين )))

الفصل التاني :
تخطيط مصادر مراكز التعلم :وهي طبعا مادة اساسية للدكتور محمد حسن شاش + العملي للدكتو شاش ايضا
رح يكلف كل واحد ببحث مصغر عن مركز لمصادر التعلم ((انا اخترت القمر الاصطناعي نيل سات كمركز من مراكز مصادر التعلم ))
وطبعا الشغل رح يشوفو الدكتور اول باول ورح يكون فيه سفر وروحات وجيات حسب الموضوع اللي رح تختارو
تقويم وتطوير المناهج: مادة حلوة للدكتور انور وعمليها حلقة بحث عادية وتقليدية

المعارض والمتاحف التربوية :مادة ولا اروع من حيث العملي اما النظري اروع لانو سهل وبسيط و(مادة معدل )
اللغة الانكليزية3 :مابدها شرح اللغة مادة معدل ومتعة

وهيك بكون حكيت عن كل مواد السنة الخامسة
وازا كنت نسيان شي مادة رح ارجع واحكي عنها
لانو بصراحة ماكان في كتب كلون محاضرات وما عم اتذكر انو كان في غير هدول
لاني تخلصت من كل المحاضرات بعد الامتحان مباشرة
وبالتوفيق والنجاح لكل قسم المناهج بشقيه
(الزاوية الادارية + الركن التقني)
واخص بالتحية والتقدير والاجلال لطلاب التقنيات (اخوتي التقنيين )بارك الله فيكم والى الامام

(^_^)

وتمنياتي للجميع بالتفوق والتقدم