إتكيت الأكل فترة الخطوبة صباااااياااا

[jeta]

آنستيالعزيزة..
لو ربنا فك عقدتك وانخطبتي .. فإليك نصائحي حتى تأخذي بخطيبك من مركب الخطوبة إلِى مثوااااه الأخير في قفص الزوجية السعيد..

أجمل ما في الخطوبة العزايم الرومانسية على أحلى محلات أكل في البلد واللي عمرك ماراح تشوفيها بعد الزواج. . المهم نصائحي لك عند أي عزيمة مع خطيبك ........

1. الأول لازم تعرفي إن الشوكة والسكينة بينمسكوا من إيديهم من الطرف يعني مو من الوسط ولا من البوز متل الخنجر ولا من فوق طبعًااا

2. الخبز .. أوعي تفضحينا وتقطعيه بسنانك ولا الرغيف نصين بأيدك وكل نص لقمة وعلى دحش أوعي.. الخبز بيتقطع بالسكينة بالصحن.. وبعدين بتاخدي لقمة.. لقمة.. بالزور قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِشّي متل ما بدك....
3. الشوووربة .. بند الشوربة مهم جدًاااا.. الشوربة بتنشرب من غير صوت أبداً.. ومن غير ماتقعدي تنفخي فيها.. .. وطبعًاااااا بدي ياكي تنسى تمامًا الطاسة اللي بتحطيها على تمك في البيت وتشرشري على حالك..
بالمعلقه وبدون صوت.. سخنة .. نار ... كمان بدون صوت.. وبتتركي تلت الطبق ع الأقل.. مو تميليه.. منشان تلهطيها لآخر نقطة.... .

4. الرز طبعاً بيتاكل بالشوكة أوعي إيدك تنمد ع المعلقة.. وتغرفي من طبق الرز وتعبي... إوعي.. الرز بالشوكة.. وكأنك بتبوسيه .. مو بتاكليه..

5. المعكرونة.. الاسباكتي كمان بالشوكة.. بتنلف على طرف الشوكة.. لحد ما تخلص وبعدين تحطيها في تمك عالساكت.. مو تشفطي المعكرونة عود عود..

6. السمك مشكلة.. شوفي.. بتفصلي اللحم عن الشوك. شلوووون..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. ما تقلبي السمكة.. بلا فضايح.. شيلي السلسلة بالشوكة والسكينة وحطيها جنب الصحن وكملي أكل النص التاني.. وبدال الفيلم الهندي هاد.. نصيحة.. ما تاكلي السمك أبداً.. قولي مابحب السمك ونفدي حالك.. <<اي والله

7. البطاطا سواء مسلوقة أو مقلية أوعي تهرسيها وترميها ع الرز ويللا..... لا..لآ...لآ...بالشوكة قطعة قطعة وإنت متل ما تكوني راح تبكي من كتر ما البطاطا صعبانة عليكي..

8. الفاكهة.. لو الفاكهة فيها بزر طلعيه من تمك على مهل وحطيه ف إيدك وهي مسكرة وبعدين في طفاية السجاير اللي على الطاولة.. أوعي ياحبيبتي من نظام التفتفة للبزر.. إنسي....

9. ولما تخلصي أكل .. بتحطي إيدك على بطنك -اللي عصافيرها عمتزقزق من العيّنات والنماذج اللي أكلتيها-.. وتقولي له مو معقول.. أنا عمري ما انفجعت هيك.. أنا قدامي أسبوع.. ما راح آكل فيه.....

وبعدين تمسكي الفوطة اللي دايمًا موجودة ع الطاولة من غير لزوم.. وتبوسيها.. قال يعني بتمسحي تمك..

وبعدين تستأذني منه لدخول التواليت لإصلاح ماكياجك وبتدخلي الحمام وبتطالعي من الشنتة .. سندويشة الفلافل اللي جايبتيها معك وبالهنا والشفااااااااااااا

[أحمد الحلبي]

ولي على طولي هلأ هيك لازم الوحدة تتصرف...!!!!!!

لا خيتو أنا من عندي مو ضروري خطيبتي تتصرف هيك وبوعدك إني رح كمل معها حياتي إن شاء الله وما رح طلع على هالتصرفات


بس ملاحظة:
كمان شي منو ولا كلو

يعني حلو الواحد يعتنى بالمظهر والتصرف بس مو لهالدرجة

[zena90]

يا حبيبي كل هل شي بتعرفي الافضل بقول مالي جوعانة
واذا هيك بدي اعمل ما عاد بدي انخطب ابداً

موضوووووووووووع كتيرررررررر حلووووو مشكورررررررررررة

[فـــراشـــة شـــوق]

ما بعرف
بس الاسلوب منستخدموا بالبيت
مو بس مع خطيبي
ظريف كتير
يسلمووو
دمت بخير

[honey suckle*]

موضوع متميز وهذه الامور نحن وقت الطعام نطبقها في اي مكان كنا

[jeta]

شكرااا كتييييير لمروركن نورتوووو الموضوع مرسييي لإلكن وبدي ئول لزينة له ليش بطلتي تنخطبي أنا من عندي بئلك أنو إذا بحبك تأكدي أنو ما حيهتم بكل هالأمور ........متل ما آل زميلنا أحمد الحلبي وشكراااا......

[zena90]

jeta
اكيد الاتكيت شي كتير حلو بس انا مابحب حس حالي مقيدة وكل حركة محسوبة علي وميرسي على الموضوع المميز

[shadi2010]

شو هالاتكيت هاد كتير صعب يطبق كلو ...... وفي ناس يا جماعة قالت أنها بطبقو بالبيت !!!........ موضوع حلو بس هيك العزيمة عالمطعم راح تأخذ وقت شي يومين ورح يرجعوا عالبيت جوعانين ........... يعني شي من هاد مو كل هاد ....
يسلمو عالموضوع الحلو

[sy.moon]

السلام عليكم ورحمه الله وبركاته
الموضوع حلو كتير بس انا براى اهم شي في مرحلة الخطوبة انك تتصرف على طبيعتك
بعيدا عن التكلف والتصنع يعني انا هيك
تصرفاتي هيك عجبه اهلا بيه
ما عجبه الله معه وانا الي بعمل الاتكيت مو هو الي بيعملني
تسلم ايدك على الموضوع

[jeta]

المشاركة الأصلية كتبت بواسطة sy.moon

السلام عليكم ورحمه الله وبركاته
الموضوع حلو كتير بس انا براى اهم شي في مرحلة الخطوبة انك تتصرف على طبيعتك
بعيدا عن التكلف والتصنع يعني انا هيك
تصرفاتي هيك عجبه اهلا بيه
ما عجبه الله معه وانا الي بعمل الاتكيت مو هو الي بيعملني
تسلم ايدك على الموضوع

معك حق بس أنا بصراحة كتبت الموضوع بس من شان نستفيد شوي ونضحك شوي يعني أنا عم ئلكن لاتتئيدوا بشي وحيات الله مافي أحلى من الطبيعة وشكررراااا إلكن كتتتتيييرررر ولمروركن .....