علامات الإدارة

[محمد أيـمن بني]

مسا الخير بس عندي سؤال واحد ومحيرني
ليش علامات الإدارة لسه مانزلت ع المنتدى مع أنه نزلت مادتين نهار الأربعاء الماضي وفوجئت عندما وجدت علامات التقنيات تنزل فور صدورها وعلى الرغم من أنه قلنا للأستاذ محمد الأحمر أنه ينزل علامات الإدارة إلا أنه ضربها طناش؟؟؟؟؟؟ليش
وزد على ذلك عندما تدخل الآن إلى قسم السنة الخامسة ترى ملف يحمل اسم علامات اللغة الانكليزية وعندما تحمله لا تجد فيه سوى علامات التقنيات فياريت كانوا يكتبوا عليه اسم علامات اللغة الانكليزية لقسم التقنيات "يعني ما يعمموا"
وبالأخير بقول والله ياشباب عيب شو نسيتونا ولا تناسيتونا
ويا استاذ عبد العزيز المشرف العام معقول ما اتنبهت لهل القصة وانت ابن قسم الإدارة ولا عبتسنى لتاخد الموافقة,
بتمنى الرد السريع وما يضربوها طناش لأنه عن جد شي زاد عن حده

[عبد العزيز الجفان]

باختصار القصة عبارة عن خطأ فني
لأن علامات الإدارة مع الإرشاد كانوا بنفس الملف يعني خطأ فني

وبالأخير بقول والله ياشباب عيب شو نسيتونا ولا تناسيتونا

بظن أنك على أبواب التخرج ورح تصير استاذ
يعني لازم تكون نظريا والواقع بخلاف ذلك مؤدب أكثر من هيك
يعني أنت ما سألتني الأول حتى تشمل ودون معرفة الجواب
وما كتبت عالمنتدى وما حدا جاوبك
حاليا أتمنى لك التوفيق

[محمد أيـمن بني]

شكراً استاذ عبد العزيز بدي ياك تعلمني الأدب وبظن أن الجملة اللي أنت اقتبستها مافيها اساءة أدب الا بس بدك تحط وحدة علي؟؟!!!

[محمد أيـمن بني]

ولسه أنا عبنتظر الملف المرفق للإدارة بعد جوابك, وحالياً أيضاً أنا أتمنى لك التوفيق.

[عبد العزيز الجفان]

الأدب واضح حبي ما بدو دورات
بس لما بتقول تناسيتونا
يعني وكأنك عم تقصد انو هذا الأمر عن قصد منا
أو لنا غاية في ذلك
وصلت رسالة وتم الرد عليها
أنا بأي وقت جاهز لك باي شي
بكرا نازل عالكلية اذا بدك شي مية السلامة

[عبد العزيز الجفان]

ولسه أنا عبنتظر الملف المرفق للإدارة بعد جوابك, وحالياً أيضاً أنا أتمنى لك التوفيق.

حاليا دور عليه بملفات الإرشاد
واذا ما شفتو موعدنا بالكلية غدا

[محمد أيـمن بني]

خلص يعطي العافية هيك بتنحل المشلة وما في دعي كان من الأساس للتجريح فكلمة تناسيتونا بيكون ردها
"بظن أنك على أبواب التخرج ورح تصير استاذ
يعني لازم تكون نظريا والواقع بخلاف ذلك مؤدب أكثر من هيك "
بظن أنه القصة فعل ما كانت بتستحق هيك رد فعل؟؟؟؟؟ وإذا غطت بحقك فأنا بعتذر يا كبيرنا

[عبد العزيز الجفان]

الحل واضح إنك قبل ما ترمي التهم
إنك تسالني بطريقة فيها لباقة
سواء عالمنتدى او ع الهاتف
وكنت سمعت الجواب
شكرا لك الكبير الله

[ريماسو]

مرحبا محمد شو المواد اللي نزلت من قسمنا انا اليوم نزلت على الكلية ما شفت وين معلقين جد مشان الواحد يعرف حالو لانو متل ما بتعرف قربت الدروة التكميلية اذا بتعرف خبرني
وشكرا

[محمد أيـمن بني]

في مادتين معلقين من نهار الأربعاء قفى الكلية, إن شاء الله مايكونوا شالوهن, وإلا بدك تستني ليعلقوا المادتين اللي بقو.
المواد التي علقت هي :
* المنظمات التربوية لقسم الإدارة.
* دراسات باللغة الإنكليزية أيضاً لقسم الإدارة.