عفرين شيخ الحديد ... ماذا تعرف عن هذه المنطقة .... ضروري

[هاملت]

أنا تعينت بمنطقة شيخ الحديد بعفرين
شو أحوال المنطقة ما بعرف بس بتمنى تجاوبوني
تعينت عل ثانوي

[Zaher]

إن شاء الله ألف مبروك على التعيين ، بس والله ما عندي أي فكرة عن المنطقة .
بس شهر زمان وين ما تعين الواحد بيتعود وبيتأقلم مع الجو .

[dilazari]

iهاي كيفك بتعرف حظك حلو انت تعينت بضيعتي شيخ الحديد هي ناحية مو ضيعة متوفر فيها كل شي حتى محلات كمبيوتر فيه دكاترة وصيدليات ومحلات تصوير وكل شي بدك ياه فيه مدرسة ابتدائية بنص الضيعة والاعدادي والثانوي باول الضيعة جوه حلو بس المهم تتاقلم معه لان قد ما كانمو متل مكان ولادتك صح واهلا فيك بضيعتنا نورت وبتمنالك تنبسط فيها

[علاء]

مبروك التعيين

وان شاء الله رح تنبسط فيها كتير

[عاشقة الشعر]

أنشاء الله ألف مبروك هي ناحية كتير متطورة مو لأنها منطقتي وقضيت طفولتي فيها بس عن جد هي هيك وعفكرة مدير المدرسة الأستاذ عدنان بلال بيكون خالي أذا بدك شي أنا جاهزة

[عبد العزيز الجفان]

الله يكون بعونك ياابو شريك على هالمصيبة
انا تعيينت السنة الماضية جنبك في جنديرس
المنطقة متل ما قال الزملاء كل شي فيها
إلا التعاون والراحة النفسية غير موجودة
يعني التعامل شبه عسكري وانا بدي انقل عاللادقية
من وراهم على كل حال يمكن تكون شيخ الحديد احسن من جنديرس
اتمنى لك التوفيق وان شاء نشوفك شي نهار عالطريق
ملاحظة اخيرة الافضل انك تستلم اعدادي

[أفيندار]

اكيد رح تحب الضيعة كتير بس يمكن تتعذب بالمواصلات لانو بعيدة شوي حوالي ساعتين من حلب وفي طريق مختصرة ساعة ونصف
يعني اكيد رح تضطر تقيم هنيك
مبروك التعيين انشااله

[عاشقة الشعر]

ليش لحتى ما يكون في تعاون وراحة نفسية ؟إذا كنت متعاون فأكيد تعاونك ما رح يروح عالفاضي مين فينا ما بيذكر مدرسه المتعاون معه إلا بالخير وإذا قصدك يازميل تعاون الإدارة فهالشي موجود بكل مكان أما بالنسبة للراحة النفسية بظن أنو كل شخص بعيد عن أهله وأحبابه وعايش بمنطقة جديدة عليه ما رح يكون مرتاح نفسيا وكمان انشاء الله ألف مبروك
وحاو ل تكون متفاءل وتتأقلم من البداية وخليها جزء من خبرتك بمهنة التدريس