السوري"ناصيف زيتون" يحرز لقب ستار أكاديمي بنسبة فاقت كل التوقعات

[عبد العزيز الجفان]

"ناصيف زيتون" يحرز لقب ستار أكاديمي بنسبة فاقت كل التوقعات ليكون المتسابق السوري الأول الذي يفوز باللقب

فاز المتسابق السوري ناصيف زيتون بلقب ستار أكاديمي 7 ليكون بذلك المتسابق السوري الأول الذي يحرز هذا اللقب خلال دورات البرنامج التي تتالت على مدار سبع سنوات.

وفور صدور النتائج التي أعلنت في الحلقة النهائية من الموسم السابع لستار أكاديمي الذي يبث على قناة lbc الفضائية يوم الجمعة لم يصدق زيتون ما حدث وأصابته حالة ذهول وملأت عينيه الدموع, حيث فاز بنسبة تصويت مرتفعة جداً فاقت كل التوقعات والحسابات إذ وصلت الى 65.7% .



هذا وقد ملأ المسرح تصفيق حاد وفرح عارم فور إعلان فوز ناصيف الذي تسلم درع الأكاديمية التكريمي من مديرة الأكاديمية رولا سعد ولف العلم السوري حول كتفيه, وقد حصل ناصيف إلى جانب اللقب على شيك بقيمة 50 ألف دولار أمريكي إضافة إلى سيارة عصرية موديل 2010.



وكان ناصيف وصل إلى النهائيات بعد أن أثبت جدارته على مدار ثلاثة أشهر ونصف بحضوره القوي وأدائه المتميز, من دون أن يصل ولو مرة واحدة إلى مرحلة الخطر أو الاستبعاد فاستحق لقب ستار أكاديمي بجدارة, حيث تأهل معه إلى الحلقة النهائية من البرايم كل من رحمة من العراق ومحمد رمضان من الأردن الذي حاز أدنى نسبة من تصويت الجمهور.



وناصيف من مواليد 1988 ، وهو طالب سنة أولى في المعهد العالي للموسيقا قسم الغناء الشرقي, شارك في عدة حفلات بدار الأوبرا في دمشق إضافة إلىمشاركته في كورال مارسيل خليفة, كان يهوى الغناء منذ الصغر وهو يملك صوت جبلي قوي تميز من السهرة الأولى في البرنامج، فهو لم يكتف بأداء المواويل الصعبة أو الأغاني الجبلية لوديع الصافي، فعلى مدى إطلالته في سهرات البرنامج تنقّل بين نوعيات مختلفة من الأغاني الإيقاعية.



يذكر أن مديرة الأكاديمية رولا سعد عبرت عن سعادتها الغامرة بفوز ناصيف ووعدت الجمهور بمتابعة برنامج ستار أكاديمي العام القادم بنسخة جديدة "ستار أكاديمي8", ويعتبر برنامج ستار أكاديمي من برامج تلفزيون الواقع ويتضمن البرنامج حفلات غنائية وتصويت للجمهور حيث يعيش جميع المتسابقين في مكان واحد لمدة عدة أشهر ويتم إخضاعهم لاختبارات وتقييم لشخصياتهم، ويخرج عدد معين في كل مرحلة خارج المسابقة لحين الوصول للتصفيات النهائية.

[عبد العزيز الجفان]

عنجد ما بعرف ليش نقلت الخبر
لاني كنت كل ما اصحح دفتر اشوف صور للستار

[zeado]

رغم كل الانتقادات التي تعرض لها البرنامج مازال مستمرا بنفس الزخم والقوة والسبب هو حاجة الشباب والمجتمع لأي شي جديد مختلف عن عاداتنا وتفكيرنا ونمط حياتنا الروتينية
وشخصيا بتابعه لما بكون بالبيت وماعندي شي تاني

[حمزة العثمان]

كرهتوا لهالزلمة على قد ما بعتولي شركة أريبا رسائل موبايل لصوتلو ، تقول أنو مستقبلوا الفني موفق عليي
منيح هيك ، تطمنا على مستقبل الفن بسوريا

[RITA ROSE]

لك ربي يخليييييييييييييه

بيجنن

1400 وحدة راحو للتصويت لئلو

أنا وكل رفقاتي

لك هيدا نصوفة

ترقبوني يعد 4 سنين مشاركة

أنا صوتي حلو

وهي صورة لناصيف

[كليوباترة]

هاد مو مهم
المهم تطلع نتائجنا نحن و نكون ستار بالإرشاد النفسي أو ستار بالمعلم صف أو ستار بالمناهج

[RAIN]

عقول فاضية ، فممكن تملأ بأي شيء ...........هاد الفراغ ، و شو ورانا ؟؟؟؟؟

وأكيد هاد الرأي لما بيكون الحال وصل لحد الهوس ، مو ضمن الحدود الطبيعية ....من شان ما يزعلوا الصبايا !!!!!!.

و فعلا لنشوف الوجه القاسي للظاهرة ، ممكن تنتبه للمراهقين ؟؟؟!!! الصغار ، فالمو ضوع أكتر من ستار،ـ وأكتر من بياخة ،.......الموضوع تقليد أعمى ... وضياع ....وما حادا فاضي لحدا

[Galaxy]

شو هاد يا متعلمين و يا مثقفين
أنتو اللي بدكن تعلموا الأجيال بتشاركوا بهيك سخافات و اللله ما بعرف شو صاير لمجتمعنا
بدل ما تفرحوا لأني شقفة فنان اخد اللقب ازعلوا ع الوضع العربي بغزة المأساوي
انتو عمتفرحوا و تغنوا منشان واحد عمينط ع المسرح و الشعب الفلسطيني عميبكي دم بدل الدمع
شو هاد وين الضمير العربي ؟وين المبادئ ؟ وين القيم ؟
نحنا وقت اللي بدنا نرفه عن نفسنا في مية طريقة و طريقة لحتى نتسلى بس مو هيك وبهالمستوى المنحط
الأتراك ضحوا بحالن و بمالن منشان العرب و نحنى عمنضحي بحالنا منشان ستار أكاديمي والله شي بيرفع الراس عنجد
عنجد الله يكون بعونا لسا شو بدو يصير فينا لقدام
الله يحمينا

[ندى الأيام]

والله أنا من جهتي ما سمعت بالسيد ناصيف إلا وقت صار يوصلني رسائل من الشركة منشان التصويت ....
وغير هيك أنا ما بعرف ناصيف ولا بعرف غيرو وما بتحمل شوف هيك برامج سخيفة مافيها غير المياعة و أخد عقول الأطفال والمراهقين الي عم يقلدو تقليد أعمى .... ياريت ترجع أيام زمان أيام جدي وقت الي كانو ينطرو أغاني أم كلثوم على الراديو
لك آه يا زمن .... لوين آخدنا ؟؟؟؟

[عبد العزيز الجفان]

شو هاد يا متعلمين و يا مثقفين

مهزلة وبحاجة الى حل
وكلو بكفة والشركة رسائل التصويت بكفة
بقى بدنا جهود الكرام
برد معتبر
مو يالشتم والسباب
على قول نزار بالعنتريات التي ما قتلت ذبابة
بدنا برنامج كامل للتغيير
وخاصة افكار المراهقين
انا ما بعرفو للسيد
وما بتابعو
ونقلي للخبر واضح من ردي الاول مسخرة
بس عنجد كيف بدنا نخلي طلابنا ما ينجذبو لهيك برامج