سويسرول بالشوكولاااااته

[Lama]

سويسرول بالشوكولاتة
المقادير
1-3 بيضات
2-نصف كأس سكر عادي
3-ملعقتين صغيرتين فانيلا
4-ملعقتين صغيرتين مليئتين بيكنج باودر
5-كأس(منقوص منه ملعقتين كبيرتين) دقيق

الطريقة :
(اشعلي الفرن فوق وتحت على حرارة 200 درجة
ضعي البيض في الخفاقة , واخفقيه جيدا حتى يميل إلى البياض .
أضيفي السكر + الفانيلا والبيكنج باودر
واستمري بالخفق .

ابدأي بإضافة الطحين بالتدريج , على أربع دفعات تقريبا .

واخفقي (كل ما انخفقت أكتر بكون أفضل).

الآن حضري صينية مستطيلة كبيرة شوي
وافردي في الصينية ورق الزبده
اسكبي العجينة على ورق الزبدة , وافرديها يجب أن تكون بسمك قلييييييييييل نصف سم أو أقل حتى.

أدخلي الصينية للفرن الحامي , وبعد 5 دقائق أخفضي الحرارة لـ 170 أو 150 .

افردي على الرخامة أو المجلى أو وين ما بدك ! ورق زبدة بمساحة تكفي الكيكة , ورشي على ورق الزبده سكر بودرة منييييح (حتى ما يلتصق وجه الكيكة بالورق وينتزع شكلها

الكيكة رقيقة جدا لن تحتاج لوقت , مجرد ما تشوفيها نضجت , أخرجيها مباشرة حتى تبقى طرية وما تنشف (لو نشفت ما بتزبط سويسرول) .وبكون سمكها سم واحد تقريبا.

اقلبيها مباشرة على ورق الزبده اللي على المجلى , ولفيها مع الورق لدرجة تخبصيها :S:

وحطيها على طوووووووووووووول بالتلاجة ... واتركيها قد ما فيكِ , المهم تبرد منيح .

طلعيها من التلاجة , وبتكوني محضرة الكريمة ارجعي افتحي الرول مشوييييييييييييييييييييييييييش حتى ما تفتتيه , وطبعا اسحبي الورق منه , وهو راح يبقى ملفوف بس مش مشدود , يعني ما بتفتحيه على الآخر وبتفرديه ....بخرب.

بتحطي الكريمة جواه , وبالملعقه حطي خط طولي مع طول الرول شوكولاتة (بس خط رفيع ما تكتري ولا تفردي على كل العجينة)

وإرجعي لفي الرول منيح , بدون ورق هالمرة . ولفيه من برا بالورق , ورجعيه للتلاجة وخليه يبرررررررررد والكريمة تجمد , ويتطعم كله مع بعضه.

قبل التقديم , اقطعي الأطراف من هون وهون بصفّي عندك رول جميل

أو ممكن تزيني الرول كامل بالكريمة وتعمل فيه أي زينة بتحبيها قبل التقديم والتقطيع .

بنصحكن تجربوها كتير طيبة يم يم يم يم يم

[loletta]

يا سلااااااااام ..شكلا طيبة..

بس ما بصدق لحتى ادوء...

[Zaher*]

وأنا ما بصدق لحتى أدوء ، بس ما تفكري إني أنا رح أساويها ، بس تعمليها يبقى احسبي حسابي لأنو باين عليها إنو شهية كتيييييير ، مشكورة لمى على الموضوع وعم أستنى لحتى أدوقها .
مو مشكلة إذا رح تساويها على العيد بستنى للعيد أمري لله .

[Lama]

تكرم عينك زاهر انت ولوليتا رح ساويها ونزلها معي عالجامعة

[Zaher*]

المشاركة الأصلية كتبت بواسطة Lama

تكرم عينك زاهر انت ولوليتا رح ساويها ونزلها معي عالجامعة

هاد الكلام المظبوط .

[joury]

مشكورررررررررة لمى شكلا طيبة كتير
بس كمان شكلها بتسمن كتيررررررر

[نور الهدى]

وأنا كمان بدي أدوء ........شو ما حدا أحسن من حدا
ليش بس لزاهر ولوليتا

[Lama]

نور الهدى رح احسب حسابك بكم قطعة
بس جوري مالاغير قطعة وحدة منشان ماتسمن

[شرشبيل*]

العنوان شيء بشهي على انو الواحد يدخل

كيف المضمون

حسبو حسابي بسرعة و بضعف الكمية

لمى لا تتهربي و كل ما عملتي اكتر ارتفعت اسهمك بالمنتدى

اليوم بحاول اانشاء الله جرب
بس كالعادة

[فـــراشـــة شـــوق]

القصة دام فيها شوكلاته اكيد بدها تكون طيبة
يسلموووووووووو ع الطريقة