لكل المجموعات : خلونا نحط النقاط على الحروف .

[سمر]

* السلام عليكم...ويسعد أوقاتكم بالخير دوما يارب*

*هلأ في كم نقطة بتمنى نتناقش فيها بخصوص تصميم الدروس...ونتفق عليها للعمل كفريق ...بنعم أو لا ..

[سمر]

1. كتب الصف الأول...وخصوصا العلوم ،معلومات الدرس فيها قليلة ،يعني مقارنة مع درس الصف الرابع / وهاد شيء طبيعي أكيد /لكن عند التصميم ...وعلى اعتبار الحصة الدرسية 45 .د ... ومع الوضع الحالي للدرس بأفضل الأحوال ،بيطلع العرض ما بيتجاوز ربع ساعة تقريبا مع المعلم،يعني في حال اعتمدنا على معلومااات الكتاب فقط ...فبرأيكم فينا تنوسع أكتر بأمثلة غير مذكورة ضمن الكتاب لنغني الفكرة ،ولا لأ؟؟ وفينا ضمن العرض نركز على ربط الدرس بحياة الطالب؟؟.



2. وسطيا الحد المسموح فيه للشرائح ضمن الدرس الواحد....كيف بدنا نقدرها ؟؟.. لأني أكيد مع الأخذ بخصوصية كل درس وكل مادة...لكن بظن لازم يكون في عنا مجال لعدد شرائح الدرس في الحصة الواحدة ..حتى ما نضطر مستقبلا للتعديل كتير.


3. بالصف الأول ببداية كل وحدة في شيء متل النثر للأطفال،وأحيانا بيكون على شكل لعبة حركية للصغار بيتضمن أفكار الوحدة +أو حتى فقرة التكنولوجيا )،السؤال: رح نعتمد هاد االقسم ضمن التصميم ومنرفقه بالصور المناسبة يلي بتوضحه، ولا لأ؟؟


4.لنسبة للتقويم: حسب ما قالت الآنسة زهزه رح يضمن الدرس تقويم مرحلي :

**لكن بمجموعة العلوم أسئلة التقويم النهائي ((مراجعة الدرس))كلها من الشكل /عدد..اذكر..سم.../أسئلة مقالية ،يعني مافيها صح وخطأ ولا اختيار من متعدد مع العلم أنو باقي المواد متضمنة هاد الشكل من الأسئلة>>>السؤال: ضمن التقويم المرحلي رح نلتزم بنفس شكل وطريقة الأسئلة بالتقويم النهائي؟؟


**رح نكتفى بطرح أسئلة التقويم...ولا بدنا نرفقها بالإجابة الصحيحة ضمن العرض؟؟ ولا منترك الإجابة والتعزيز من مهمة معلم الصف يلي عم يستخدم العرض.


5 . بالنظر لكتاب المعلم منلاقي...أنو مطلوب نربط بين المواد مثلا بدرس الحيوانات ...عم يشيروا لأمثلة للجمع والتثنية أو حتى للاسم والفعل.>>>س: رح نضيف هاي المعلومات ضمن العرض أيضا. ؟؟


6نفس الفكرة السابقة....الربط بين كتاب التلميذ+دفتر التلميذ ...(من خلال الأنشطة المطلوبة والمشار إليها ، ومنها أنشطة قابلة للاحتواء ضمن العرض)...


5. بعد عرض النقاط التعليمية والتقويم المرحلي لكل نقطة.....رح نعرض (( تلخيص شامل للدرس ولا لأ)).


6. ذكرت الآنسة زهزه....بردها على رفيف...

وما أود أن ألفت انتباهك له هو الاستعانة بدليل المعلم في أثناء تصميم عرض كل درس ، وذلك للاسترشاد بالطريقة التي يقترحها الدليل لإيصال هذه الفكرة أو تلك .... خاصة وأن المناهج الجديدة ستركز على العمل ضمن مجموعاااات ، وبالتالي يمكن أثناء العرض أن يتم توجيه التلاميذ للقيام بإنجاز مهمة ما متعلقة بموضوع الدرس من خلال العمل ضمن مجموعة .....

فهاي الفكرة فعلا مهمة كتيررر...لكن ضمن العرض ...قلولي كيف بدنا نطبقها؟؟؟
....لأني الدليل فعلا مقدم الطريقة...لكن أنا كيف بدي ادخلها بالعرض؟؟؟
أنا ماعرفت...!!!كيف؟؟

[سمر]

لا تقولوا ...أسئلة سخيفة!!!!.......لأني فعلا ممكن تكون الإجابات واضحة ...للبعض والبعض الآخر لأ...ويلي بيهمنا أكتر ...إني /الرفض
أو الاعتماد /لفكرة ما ضمن التصميم *يكون جماعي *




يعني بالنهاية يكون الشغل متناسق واحد سواء ضمن المجموعة الواحدة أو ضمن المجموعات ككل...

[سمر]

اقتراح :





نحنا لحد الآن ما بعرف مين جرب فينا يعطي درس باستخدام عروض البور..؟؟؟وشو الصعوبات يلي واجهته؟؟وشو النقاط يلي يجب أن تراعى؟؟أو يلي رح يكون فيها مشكلة خلال التنفيذ؟؟


وأكيد التجربة والتطبيق لهل النمط رح تكشفنا بعض النقاط ضمن وخلال التصميم يلي نحنا غايبة عن أذهاننا من خلال التقاش النظري للأفكار...ويلي فعلا رح توضَح بالتطبيق الفعلي...




فبقترح :بما أننا لسا بالبدايات ... نصصمم كم درس ونعطيهم ... ونشوف النتائج بعيدا عن التوقعات والنقاشات النظرية .

ونشوف شو هي المتطلبات يلي لازم نراعيها سواء من حيث الوقت أو التقويم ...وأكيد بتشمل الأفكار يلي طلبنا مناقشتها فوق، وهيك التجربة رح تكون أفضل مساعد إلنا لنبدأ صح ...وما ننصدم بالتطبيق مستقبلا.





وإذا موافقين : أنا رح أبدأ//مع يلي بدهم يبدأوا ...لأني مشرفي بزمرة التربية العملية، عرض علي إني اعطي درس باستخدام عروض البور وهو رح يأمنلي جهاز الإسقاط...ويلي بده يشاركنا مافي مشكلي...




وبقترح إذا وافقتوا على مبدأ الفكرة..أنو يكون مرافق للشخص يلي بده يعطي الدرس...واحد أو اثنين غيره...حتى يلاحظوا و يقيموا الوضع وسير العمل والنقاط يلي بدنا نتابعها.

[رفـيف]

سأحاول مناقشة بعض أفكارك واقتراحاتك

1- أعتقد أن المطلوب هو تصميم شرائح مساعدة للمعلم على شرح الدرس كاملاً على البوربوينت يعني تبدأي بإثارة للدرس عبر العرض ثم عرض النقطة الاولى بطريقة مثيرة يأتي تقويم النقطة التعليمية والتعزيرزات المناسبة ثم النقطة الثانية فالثالثة ثم التقويم النهائي .

إذا العرض يجب أن يكون على طول الدرس 45 د وليس ربع ساعة فهو ليس لوحة تعليمية أو توضيحية بل هو بمثابة سبورة تتحكمي بسهولة بعرض وإزالة النقاط والتقويم عليها.

2- بالنسبة لعدد الشرائح لا أعتقد أن هناك داعي لتحديد عددها لكن يفضل عدم تكديس المعلومات والنقاط بشريحة فأفضل طريقة هو وضع كل نقطة تعليمية بشريحة وكل تقويم بشريحة والتعزيزات ستكون حتماً بشريحتين (صحيحة وخاطئة).
(فقد صممت عرض لدرس علوم صف 3 مؤلف من صفحتين بـ 26 شريحة)

3- هذه النقطة لم أفهمها فلم أجد نثر أو لعبة حركية بدروسي.

4- من وجهة نظري أن التقويم المرحلي سيكون اختيار من متعدد أو صح وخطأ أو املأ الفراغ وسيكون من تأليفنا، أم التقويم النهائي فسنعتمد أسئلة الكتاب حتى لوكانت مقالية سنضع الأسئلة كما هي بشريحة ونفعل كل سؤال بحيث بالضغط عليه ينقلنا للجواب وداخل الصف نترك أحد التلاميذ يقرأ السؤال الأول ويجيب عليه ونستمع لعددة إجابات قبل أن نضغط على السؤال لمعرفة جوابه وتصحيح أجوبة التلاميذ ثم نطلب منهم نقل الإجابة إلى دفاترهم من الشريحة المعروضة وبعد الانتهاء نعود لشريحة الأسئلة لنجيب على بقية الأسئلة بنفس الطريقة.

5- إذا كنت حتماً ستطرقين لهذه الإضافات في الدرس فحتماً ستدخليها على شرائح العرض بالمناسبة لبرنامج البوربوينت خصائص مذهلة قد نجهلها وباعتقادي أن أغلب الأنشطة يمكن عرضها وتوضيحها به (أعلميني لو صادفتي تمرين، العرض غير قابل لاحتوائه عسى أن أجد لك طريقة)

6- التلخيص مهم جداً بنظري لطلاب المرحلة الإعدادية والثانوية حيث تكون النقاط التعليمية كثيفة ويحبذا تلخيص أهمها بنهاية العرض أما طلاب المرحلة الأولى فباعتقادي التقويم المرحلي والنهائي يغنينا عن التلخيص.

7- الدليل يقدم لك المادة التي ستدخليها في العرض مثلاً يقول الدليل إسأل الطلاب ما فائدة الهواء ؟ فأنت تكتبي بشريحة العرض سؤال بالخط العريض ما فائدة الهواء ؟ (وقد تضيفي لها حركة مخصصة) وتظهر بعدها صورة ولد يفكر أو إشارة استفهام كبير تستمعي ضمن الدرس لأجوبة الطلاب وبعدها تنتقلي للشريحة التالية فيظهر للطلاب الإجابة الصحيحة لسؤالك وهكذا..
يمكنني أن أساعدك في هذه النقطة باقتراح طريقة عرض أو صور لدرس ما ولاحقاً ستبتكرين طرق عرضك الخاصة باستخدام مخيلتك.

شكراً لطرح جميع هذه الأفكار والاقتراحات فأعتقد أن جميع المهتمين سيستفيدون منها.

[سمر]

أولاً أهلا وسهلا بك عزيزتي رفيف........وشكراً لمشاركتك البناءة.

- أعتقد أن المطلوب هو تصميم شرائح مساعدة للمعلم على شرح الدرس كاملاً على البوربوينت يعني تبدأي بإثارة للدرس عبر العرض ثم عرض النقطة الاولى بطريقة مثيرة يأتي تقويم النقطة التعليمية والتعزيرزات المناسبة ثم النقطة الثانية فالثالثة ثم التقويم النهائي .

إذا العرض يجب أن يكون على طول الدرس 45 د وليس ربع ساعة فهو ليس لوحة تعليمية أو توضيحية بل هو بمثابة سبورة تتحكمي بسهولة بعرض وإزالة النقاط والتقويم عليها.

هلأ الأسبوع الماضي جربنا ،نعطي درس علوم ...وع الواقع ان في نتائج غير يمكن رح اتطرقلها لاحقاً ...بس لنعيد التجربة ونكررها بغير مواد.

لكن حاليا يلي استوقفني هو فرة أنو نحن رح نقدم العرض وسيلة مساعدة للمعلم وبالتالي ، إني يكون زمن العرض يشمل كل الحصة فأمر يمكن بده إعادة ناش...
لأني نحن بهل الطريقة منكون عم نلزم المعلم بالعرض فقط ، وبالتالي فرصته باستخدام طرائق أو وسائل أخرى ، رح تكون أقل.../هاد مجرد رأي /.

*النقطة الثانية إني المنهاج مخطط بحيث تكون زمن الحصة 60 .د وليس 45.د ...وهاد الأمر رح يكون مطبق ع ال2013 ..../ع ذمتهم ..ومواعيدهم /.

[سمر]

هذه النقطة لم أفهمها فلم أجد نثر أو لعبة حركية بدروسي

ليست ضمن الدرس نفسه ...بل بمقدمة الوحدة ..أو الفصل .

*لي عودة بإذن الله.

[رفـيف]

المشاركة الأصلية كتبت بواسطة سمر

أولاً أهلا وسهلا بك عزيزتي رفيف........وشكراً لمشاركتك البناءة.



هلأ الأسبوع الماضي جربنا ،نعطي درس علوم ...وع الواقع ان في نتائج غير يمكن رح اتطرقلها لاحقاً ...بس لنعيد التجربة ونكررها بغير مواد.

لكن حاليا يلي استوقفني هو فرة أنو نحن رح نقدم العرض وسيلة مساعدة للمعلم وبالتالي ، إني يكون زمن العرض يشمل كل الحصة فأمر يمكن بده إعادة ناش...
لأني نحن بهل الطريقة منكون عم نلزم المعلم بالعرض فقط ، وبالتالي فرصته باستخدام طرائق أو وسائل أخرى ، رح تكون أقل.../هاد مجرد رأي /.

*النقطة الثانية إني المنهاج مخطط بحيث تكون زمن الحصة 60 .د وليس 45.د ...وهاد الأمر رح يكون مطبق ع ال2013 ..../ع ذمتهم ..ومواعيدهم /.

بالفعل أمنيتي أن يجرب أحد المعلمين التدريس باستخدام العروض التقدديمية لأنها الطريقة الوحيدة التي يمكننا الحكم فيها على فعالية العرض واستخدامه بالعملية التعليمية

لذا أرجوا أن توافيني بتفاصيل عن نتائج استخدامك للعرض لأول مرة والمرات القادمة.

من ناحية ثانية أحترم رأيك بأن طريقة العرض قد تلزم المعلم لكني لا أوافقه لأني أرى أن العرض يقدم الإثارة البصرية والسمعية، وهذا لايمنع إطلاقاً استخدام النماذج والعينات عند لزوم ذلك ضمن الدرس كما أنه لايتعارض مع تطبيق طريقة التعلم التعاوني والتعلم بالمشاركة

فالعرض هو مجرد سبورة متطورة نستغني بها عن إضاعة الوقت بالكتابة بالطباشير (المزعجة) وتمتاز بقدرتها على عرض رسومات وألوان خلاية تغنينا عن اللوحات الجدارية المرسومة بطريقة تقليدية وتمتاز أيضاً باستثمار وقت الدرس بشكل مفيد وعدم ترك التلاميذ يثرثرون بينما يكتب المعلم على السبورة ومن ميزاتها أيضاً معالجة مشكلة الخط السيء للمعلم أو ضعف مهارة الرسم لديه.

وبنفس الوقت لا يتعارض العرض التقديمي مع استخدام لواحات كهربائية أو مغناطيسية أو وبرية ... إذاً ميزات العرض كثيرة ولايتعارض مع الطرق الأخرى بل يكملها ويتلافى سلبياتها.

هذه وجهة نظري أتمنى أن تناقشيني أكثر بهذه النقطة إن لم تقتنعي.

[سمر]

وبنفس الوقت لا يتعارض العرض التقديمي مع استخدام لواحات كهربائية أو مغناطيسية أو وبرية ... إذاً ميزات العرض كثيرة ولايتعارض مع الطرق الأخرى بل يكملها ويتلافى سلبياتها.

وأنا هيك قصدي..........


تحياتي ... رفيف ...وأخبار الدرس رح خبرك فيها لكن بعد التجربة التاني /إذا ما فاتنا الوقت...هاد الفصل إن شاء الله./